Эпицентри Афғонистонда бўлган ер силкиниши натижасида Покистонда камида 13 киши ҳалок бўлди, деб хабар беради «РИА Новости».
Хайбер-Пахтунхва провинциясидаги Сват округида 6 киши ҳалок бўлди, жумладан, болалар ҳам. Бажаур туманида бино қулаши оқибатида тўрт киши вафот этди. Панжоб провинциясидаги Каллар Кахарда ёш бола ҳалок бўлган. Касур ва Саргодхда ҳам бир нафардан киши қурбон бўлган.
Сват туманидаги шифохонага 194 киши келиб тушган, Пешоворда 100 дан ортиқ одам касалхонага ётқизилган.
Ҳиндикуш тоғларида 26 октябрь, душанба куни Афғонистон вақти билан 14:09 да 7,5 магнитудали зилзила юз берди. Зилзила ўчоғи Жарм шаҳридан 45 километр жануби-ғарбда ва 212,5 километр чуқурликда жойлашган.
Ерости силкинишлари Покистон, Ҳиндистон, Қирғизистон, Тожикистон, Озарбайжон, Қозоғистон ва Ўзбекистонда сезилди.
«Тошкент» марказий сейсмик станцияси берган маълумотга кўра, зилзила кучи Термизда 5,5, Тошкент ва Самарқандда 5, Фарғонада 4, Андижон ва Наманганда 3 магнитудани ташкил этган.
Изоҳ (0)