Буюк Британиянинг Ла-Манш соҳилида, сайёҳлар орасида машҳур бўлган Чесил Бич курортидан 300 метрга етмаган узоқликдаги қирғоқда балиқчининг тўрига икки метрли акула илинди. Бу ҳақда The Independent маълумотларига таяниб, Интерфакс хабар бермоқда.
Балиқчининг айтишича, 23 йиллик фаолияти давомида қирғоққа бунчалик яқин масофада акулаларни учратмаган. Узунлиги уч метрдан ошиқроқни ташкил этиши мумкин бўлган сельд акулалари бу жойларда пляждан камида 15 километр узоқликда кузатилган. Шуниси ҳам борки, балиқ тўрга тушган пайт ўлик ҳолда бўлган.
Гарчи сельд акулалари инсон учун хавфли саналса-да, одамлар ёки қайиқларга камдан-кам ташланади. Уларни ноқонуний тутиш ман этилган. Халқаро табиатни муҳофаза этиш уюшмаси бу турга қўриқланувчи мақомини берганлиги, уларни тутиш чекланганлиги сабабли мазкур акулаларнинг камайиш суръати тобора пасайиб бормоқда.
Изоҳ (0)