Энди Facebook фойдаланувчилари реал вақт режимида 2 триллиондан зиёд янгиликлар орасида қидирувни амалга ошириши мумкин, дея хабар бермоқда «Газета.ru».
Айни пайтда Facebook қидируви фақат дўстларнинг постларини кўриш имконини беради, бироқ энди америкалик фойдаланувчилар учун қидирув имкониятлари кенгайтирилиши натижасида улар 2 триллиондан ортиқ очиқ постларни кўра олади. Қидирув натижалари шундай тартибда жойлашадики, биринчи навбатда ишончли манбалар хабарлари, сўнг обуна бўлинган кишилар постлари, ундан кейинги ўринда эса иқтибослар ва ниҳоят, қолган бошқа янгиликлар акс этади.
Қидирувнинг кенгайтирилиши ва унга мувофиқ, постлар аудиториясининг ўсиши контент яратувчиларининг дунёда содир бўлаётган воқеалар ҳақида янги постлар чиқаришига туртки бўлиши керак. Шунингдек, бу худди Google’дагидек, калит сўзлар бўйича самарали реклама жойлаш имконини беради.
Изоҳ (0)