Ўзбекистон Президенти Ислом Каримов 22 октябрь, пайшанба куни Ички ишлар идоралари ходимлари куни муносабати билан бир гуруҳ ходимларни мукофотлаш тўғрисидаги фармонни имзолади. Ҳужжат матни ЎзА томонидан эълон қилинди.
Ўзбекистонда жамоат хавфсизлиги, тинчлик ва барқарорликни таъминлаш борасидаги кўп йиллик фидокорона меҳнати, хизмат бурчини бажариш ва мамлакат миллий манфаатларини ҳимоя қилишда мардлик ва жасорат кўрсатган ҳамда ёш авлодни она Ватанга садоқат руҳида тарбиялашга қўшган муносиб ҳиссаси учун ички ишлар идораларининг бир гуруҳ ходимлари «Меҳнат шуҳрати», II даражали «Шон-шараф», «Дўстлик», «Мардлик» орденлари, «Жасорат», «Содиқ хизматлари учун», «Шуҳрат» медаллари билан мукофотланди.
Қайд этиш жоиз, Хоразм вилояти Урганч шаҳар ички ишлар бўлими ҳарбийлаштирилган ёнғин хавфсизлиги қисми собиқ ёнғин ўчирувчиси, марҳум Дилшод Ёқубов «Жасорат» медали билан мукофотланди.
Маълумот учун, ҳар йили 25 октябрь куни Ўзбекистонда Ички ишлар идоралари ходимлари куни нишонланади.
Изоҳ (0)