Жорий йилнинг 21 октябрь куни Франция парламентининг «Франция—Ўзбекистон» дўстлик гуруҳи раҳбари Филипп Мёнье бошчилигидаги делегация, Ўзбекистон Республикаси Олий Мажлис Қонунчилик палатаси ҳамдўстлик гуруҳи раҳбари Т.Эшназаров ҳамроҳлигида «Ҳазрати Имом» мажмуасига ташриф буюрди. Бу ҳақда Ўзбекистон мусулмонлари идораси Халқаро алоқалар бўлими хабар берди.
Меҳмонларни Ўзбекистон мусулмонлари идораси кутубхонаси Бош мутахассиси М.Ғуломов, Ўзбекистон мусулмонлари идораси Халқаро алоқалар бўлими ходими И.Аҳмедов ва Вазирлар маҳкамаси ҳузуридаги Дин ишлари бўйича қўмита ходими Э.Алимқуловлар кутиб олди.
Ташрифи давомида, меҳмонларга «Ҳазрати Имом» мажмуаси, шунингдек, мажмуада қад ростлаган янги бинолар ҳамда қайта таъмирланган меъморий ёдгорликлар тарихи тўғрисида маълумотлар берилди.
Шунингдек, меҳмонлар «Мўйи Муборак» мадраса музейида жойлашган «Усмон Қуръони»ни зиёрат қилиб, ушбу Қуръон ва Диний идора кутубхонасида сақланаётган кўплаб нодир қўлёзмалар ҳақида маълумот олди.
Ташриф сўнгида «Франция—Ўзбекистон» дўстлик гуруҳи раҳбари Филипп Мёние бошчилигидаги делегация, Ўзбекистон мусулмонлари идораси ходимларига самимий миннатдорчилик билдирди.
Изоҳ (0)