Туркия Суриядаги вазиятни тартибга солиш бўйича Сурия халқи учун номақбул бўлган режани қабул қилмайди. «ТАСС» хабарига кўра, бу ҳақда Туркия бош вазири Аҳмет Давутўғли маълум қилди.
Туркия бош вазирининг қайд этишича, «бунда гап (Сурия масаласи бўйича АҚШ томонидан таклиф қилинган) режага Туркиянинг имзо қўйиши ҳақида кетаётгани йўқ».
«Туркиянинг нуқтаи назари маълум, бироқ муаммо ечимининг бошқа йўллари таклиф қилиниши мумкин. Улар мазкур масала муҳокамаси давомида пайдо бўлиши мумкин», — деди Давутўғли.
Туркиянинг «Миллият» газетаси хабарига кўра, АҚШ 20 октябрь, сешанба куни манфаатдор томонларга, хусусан, Россияга, Суриядаги вазиятни тартибга солиш бўйича режани тақдим этган. Унга кўра, Башар Асад ярим йил давомида ўтиш даври маъмуриятига расман раҳбарлик қилади, шундан сўнг ҳокимиятни муваққат ҳукуматга топширади.
Изоҳ (0)