Ўзбекистон Республикаси Давлат солиқ қўмитасида Қорақалпоғистон Республикаси, вилоятлар ва Тошкент шаҳар давлат солиқ хизмати органлари раҳбарлари иштирокида Ҳайъатнинг кенгайтирилган йиғилиши ўтказилди. Бу ҳақда Ўзбекистон Республикаси давлат солиқ қўмитаси матбуот хизмати хабар бермоқда.
Йиғилишда, Ўзбекистон Республикаси Президентининг 2014 йил 4 декабрдаги «Ўзбекистон Республикасининг 2015 йилги асосий макроиқтисодий кўрсаткичлари прогнози ва давлат бюджети параметрлари тўғрисида»ги ПҚ-2270-сонли қарори билан белгиланган бюджет параметрлари ижросини таъминлаш борасида давлат солиқ хизмати органлари томонидан жорий йилнинг III чорагида амалга оширилган ишлар Навоий, Наманган, Жиззах ва Тошкент вилоятлари мисолида танқидий муҳокама қилинди.
Шунингдек, асосий фаолият йўналишлари бўйича IV чоракни муваффақиятли якунлаш, белгиланган йиллик параметрларнинг сўзсиз бажарилишини таъминлаш, солиққа тортиладиган базани кенгайтириш юзасидан долзарб вазифалар белгилаб олинди.
Ўзбекистон Республикаси Солиқ кодекси талабларига мувофиқ, жисмоний шахсларга 2015 йил учун ҳисобланган мол-мулк ва ер солиқларининг ҳудудлар кесимида ундирилишини таъминлаш борасида ҳудудий давлат солиқ хизмати органлари раҳбарлари томонидан амалга оширилган ишларнинг натижалари танқидий таҳлил қилинди.
Шунингдек, хуфиёна фаолият юритиш мақсадида ташкил қилинаётган «бир кунлик» фирмалар ҳамда банкдан ташқари ноқонуний пул айланмаларини амалга ошираётган хўжалик субъектларини аниқлаш ва фаолиятига чек қўйиш, умидсиз солиқ қарзини қисқартириш, солиққа тортиладиган базани кенгайтириш юзасидан қўшимча тадбирлар белгиланди.
Ўзбекистон Республикасининг «Хўжалик юритувчи субъектлар фаолиятини давлат томонидан назорат қилиш тўғрисида»ги Қонуни талабларига риоя этилиши борасида Наманган вилояти ва Тошкент шаҳар давлат солиқ хизмати органлари томонидан олиб борилаётган ишларга танқидий баҳо берилди.
Муҳокама натижалари бўйича фаолиятида жиддий камчиликларга йўл қўйганлиги учун марказий аппарат таркибий тузилмалари ва ҳудудий давлат солиқ хизмати органлари раҳбарларидан 2 нафари эгаллаб турган лавозимидан озод этилди ва 39 нафарига нисбатан тегишли интизомий жазо чоралари қўлланилди.
Йиғилишда давлат солиқ хизмати органлари зиммасига юклатилган долзарб вазифаларни сифатли бажариш юзасидан тегишли қарорлар қабул қилинди.
Изоҳ (0)