Сурияда инқироз туфайли тўрт миллиондан зиёд киши ўз уйларини тарк этишга мажбур бўлган. Бу ҳақда БМТ бош котиби Пан Ги Мун журналистларга маълум қилди, деб ёзади «РИА Новости».
Қочоқлар оқимидан энг кўп Иордания, Туркия, Ливан ва Ироқ азият чекмоқда. «Энди Ливан аҳолисининг 25 фоизини суриялик қочоқлар ташкил қилади. 2 миллиондан ортиқ қочоқлар Туркияда, 1,5 миллиони Иорданияда, 300 минги Ироқда ва яна бир қанчаси Шимолий Африка ва Мисрда», — деди бош котиб.
Суриянинг ўзида 8 миллион киши шошилинч гуманитар ёрдамга муҳтож.
Пан Ги Мун ҳозирги пайтдаги миграция инқирози Иккинчи жаҳон уруши давридан буён энг йириги эканлиги, бу эса жаҳон ҳамжамияти учун курашга жиддий даъват эканлигини таъкидлади. Бутун дунё бўйича 60 миллион кишини қочоқ деб ҳисоблаш мумкин.
Изоҳ (0)