Эрон ғарбидаги Дизфул шаҳридаги шиаларнинг диний марказига номаълум шахслар томонидан уюштирилган қуролли ҳужум натижасида икки киши ҳалок бўлди, яна икки киши яраланди. Бу ҳақда «РИА Новости» хабар бермоқда.
Agence France-Presse агентлиги хабарига кўра, ҳужум юз берган вақтда диний марказда мотам маросими давом этаётган эди.
«Номаълум шахслар тўпланган тақводарларга қарата ўт очган, икки киши ҳалок бўлган, яна икки киши тан жароҳати олган», — дея AFP полковник Раҳмон Мусавийнинг сўзларидан иқтибос келтирмоқда.
Аввалроқ Саудия Арабистони шарқидаги Сайҳат шаҳрида номаълум шахс томонидан мусулмон шиа (ҳусайния)ларнинг йиғилишлари бўладиган диний марказида отишма келтириб чиқарилгани, оқибатда беш киши ҳалок бўлгани маълум бўлганди.
Саудия Арабистони қуролли кучлари ҳужум қилган шахсни йўқ қилган, бундан ташқари, ҳуқуқни муҳофаза қилиш идоралари ходимлари ҳужумда қатнашган икки кишини ҳибсга олган.
Изоҳ (0)