Хитойнинг Ruili пластик жарроҳлик клиникаси вакиллари маҳаллий киноюлдуз Ян Винни қиёфаси табиий эмаслигида айблади. Уларнинг даъвосига кўра, ўзлари хизмат қилаётган клиникада 26-ёшли актрисага қатор пластик операциялар ўтказилган. Анжела Бейби тахаллуси остида суратга тушадиган Ян Вин бу айбловларни қатъиян рад этди, дея хабар бермоқда «Вести.ru».
Унинг айтишича, қиёфаси европача қирраларга эга экалиги буваси немис бўлгани билан боғлиқ. Актриса ҳеч қачон Ruili клиникаси хизматларидан фойдаланмаганини маълум қилди. Шунингдек, табиий гўзаллик соҳибаси эканлигини исботлаш учун рентген ва МРТ қилдирди. Натижалар чиндан ҳам актрисанинг суяк ва юмшоқ тўқималари сунъий аралашувларга учрамаганини кўрсатди.
Энди Ян Вин етказилган маънавий зарар учун клиникадан 79 минг доллар товон пули талаб қилмоқда.
Изоҳ (0)