Eron g‘arbidagi Dizful shahridagi shialarning diniy markaziga noma’lum shaxslar tomonidan uyushtirilgan qurolli hujum natijasida ikki kishi halok bo‘ldi, yana ikki kishi yaralandi. Bu haqda “RIA Novosti” xabar bermoqda.
Agence France-Presse agentligi xabariga ko‘ra, hujum yuz bergan vaqtda diniy markazda motam marosimi davom etayotgan edi.
“Noma’lum shaxslar to‘plangan taqvodarlarga qarata o‘t ochgan, ikki kishi halok bo‘lgan, yana ikki kishi tan jarohati olgan”, — deya AFP polkovnik Rahmon Musaviyning so‘zlaridan iqtibos keltirmoqda.
Avvalroq Saudiya Arabistoni sharqidagi Sayhat shahrida noma’lum shaxs tomonidan musulmon shia (husayniya)larning yig‘ilishlari bo‘ladigan diniy markazida otishma keltirib chiqarilgani, oqibatda besh kishi halok bo‘lgani ma’lum bo‘lgandi.
Saudiya Arabistoni qurolli kuchlari hujum qilgan shaxsni yo‘q qilgan, bundan tashqari, huquqni muhofaza qilish idoralari xodimlari hujumda qatnashgan ikki kishini hibsga olgan.
Izoh (0)