Россия 50 минггача жангари яшайдиган Афғонистон ҳукуматига кўмак беришда давом этмоқчи. Ёрдам икки томонлама форматда ҳам, Шанхай ҳамкорлик ташкилоти ва Коллектив хавфсизлик тўғрисидаги шартнома ташкилоти бўйича шериклар билан ҳамкорликда ҳам тақдим этилади. Бу ҳақда Россия мудофаа вазири ўринбосари Анатолий Антонов маълум қилди, деб ёзади «РИА Новости».
У Афғонистондаги беқарорлик энг кескин муаммолардан бири бўлиб қолаётганини таъкидлади. «Айни пайтда бу мамлакатда 50 минггача жангари бор, улар турли йўналишдаги 4 мингта отряд ва гуруҳларга бирлашган», — деди Антонов.
Коллектив хавфсизлик тўғрисидаги шартнома ташкилоти маълумотларига кўра, ИШИД гуруҳи жангариларининг ўзи Афғонистонда 2—3 минг кишини ташкил қилади.
Изоҳ (0)