НАТО бош котиби Йенс Столтенберг АҚШ президенти Барак Обаманинг 2016 йилдан сўнг ҳам Афғонистонда Америка ҳарбий контингентини қолдириш тўғрисидаги қарорини маъқуллади. Бу ҳақда «РБК» хабар бермоқда.
Столтенберг Обаманинг Афғонистонда 9800 нафар ҳарбий хизматчини қолдириш тўғрисидаги қарори «минтақада НАТОнинг барқарор ҳозир бўлишига йўл очиши»ни таъкидлаган. Шунингдек, альянс яқин орада мазкур контингентни қўллаб-қувватлаш кўлами ҳақида бир қарорга келишини маълум қилган.
Эслатиб ўтамиз, 15 октябрь куни АҚШ президенти Барак Обама президентлик ваколати якунлаганидан сўнг ҳам Америка қўшинлари Афғонистонда қолишини эълон қилди.
Изоҳ (0)