Малида франциялик уч нафар аскар мина портлаши оқибатида турли хил оғирликдаги тан жароҳати олди. Бу ҳақда 15 октябрь, пайшанба куни Франция ҳарбий кучлари вакили томонидан берилган манбаларга таянган ҳолда «РИА Новости» хабар бермоқда.
Таъкидланишича, француз бош қўмондонлигининг расмий вакили, полковник Жиль Жарон берган маълумотга асосан, нохуш ҳодиса 13 октябрь, сешанба куни, куннинг иккинчи ярмида рўй берган.
Малидаги инқироз, унга қўшни бўлган Ливияда, 2011 йилда Муаммар Қаддафийнинг ҳукумати тўнтарилганлиги оқибатида Мали ҳудудига туарег қабиласидан бўлган қочқинларнинг оқими кириб келиши сабабли пайдо бўлган. Малининг шимолий қисмини эгаллаб олгач, қочқинлар у ерда Азавад давлатини тузганини эълон қилди. Кейинчалик, туарегларни улар эгаллаб турган ҳудудлардан экстремистлар сиқиб чиқарди
Франция армияси бўлинмалари Малида бўлиб ўтаётган ҳарбий операцияларда 2013 йилнинг бошидан буён иштирок этмоқда.
Изоҳ (0)