Беларусь президенти Александр Лукашенко 16 октябрь, жума куни Қозоғистон президенти Нурсултон Назарбоевга Халқлар дўстлиги орденини топширди. Бу ҳақда «РИА Новости» хабар бермоқда.
Назарбоевни орден билан тақдирлаш ҳақидаги фармон Беларусь президенти томонидан 2015 йил 19 июнида имзоланган эди, мукофотни топшириш маросими МДҲга аъзо мамлакатлар давлат раҳбарлари кенгашининг Қозоғистонда бўлиб ўтган кенгайтирилган йиғилиши вақтида бўлиб ўтди.
«Мен мазкур йиғилишимиз, ҳамкасб президентлар гувоҳлигида Халқлар дўстлиги орденини Нурсултон Абишевич (Назарбоев)га топширишни истардим. Рухсатингиз билан мен мазкур вазифани айнан шу ерда, шу залда бажарсам», — деди Лукашенко.
Изоҳ (0)