Испания ҳукумати Каталонияни мухторият мақомидан вақтинча маҳрум қилиш ҳуқуқига эга. Бу ҳақда мамлакат адлия вазири Рафаэль Катала радиостанциялардан бирига берган интервьюсида маълум қилди, деб ёзади «Корреспондент.net».
Катала аниқлик киритишича, агар мухторият мустақилликни қўлга киритишга қаратилган ҳаракатларни амалга оширишда давом этса, ҳукумат конституциянинг мухторият мақомидан маҳрум қилишга рухсат берувчи 155-моддасини амалда қўллаши мумкин.
Катала бу чора мустақилликни бир томонлама эълон қилишга қарши чиқиш учун давлат қўлида бўлган «қурол» эканлигини таъкидлади.
Нашр эслатишича, 2014 йил ноябрида Каталонияда референдум ўтказилган, унда 80 фоиз иштирокчилар мустақиллик учун овоз берганди.
Изоҳ (0)