Хитой мамлакатдаги технологиялар соҳаси тараққиёти ва оммавий ишлаб чиқариш сабаб миллиардерлар сони бўйича АҚШдан ўзиб кетди. Бу ҳақда «РИА Новости» хабар бермоқда.
Hurun Research Institute (HRI) тадқиқот ташкилоти томонидан эълон қилинган рейтинг маълумотларига кўра, Хитой иқтисодий ўсиши пасайганига қарамай, мамлакатдаги миллиардерлар сони 242 нафардан 596 нафаргача кўпайган, АҚШда эса айни вақтда 537 нафар миллиардер бор.
Рейтингдан маълум бўлишича, онлайн савдо, кўнгилочар йўналиш саноати ва бошқа хизматлар энг сердаромад соҳалар бўлиб турибди. Айни вақтда, қайд этишларича, қора металлургия ва фойдали қазилмаларни қазиб олиш каби саноат соҳалари камроқ фойда келтирмоқда.
HRI талқинига кўра, Wanda компанияси раҳбари Ван Цзяньлинь Хитойнинг энг бадавлат одами, деб топилди. Унинг компанияси меҳмонхона бизнеси, савдо марказлари ва кинотеатрлар соҳасида фаолият олиб боради, бойлиги эса 34,4 миллиард долларга баҳоланмоқда.
Изоҳ (0)