Ямандаги исёнчи хусийлар Саудия Арабистони ҳудудидаги авиабазага ракета зарбаси берди. Бу ҳақда Saba манбаларига таяниб, «ТАСС» хабар бермоқда.
Агентлик маълумотларига кўра, хусийлар Саудия Арабистони жанубидаги Асир провинциясида жойлашган Хамис Мушят қишлоғидаги авиабазага баллистик ракета ёрдамида зарба берган. Ракета нишонга аниқ теккани ва моддий зарар ҳамда қурбонларга сабаб бўлгани айтилмоқда.
Исёнчилар вакиллари қироллик ҳудудидаги базага зарба «Саудия Арабистонининг Яманда давом этаётган тажовузига жавоб» тариқасида берилганини таъкидлаган. Саудия расмийлари Асир провинциясида рўй берган ҳодиса тўғрисидаги хабарларга ҳозирча ҳеч қандай изоҳ бермаган.
Изоҳ (0)