Саудия Арабистонида мамлакат бўйлаб уйда тайёрланган шаробни олиб юрган британиялик нафақахўрни оғир жазо кутмоқда. «Сегодня.ua» хабарига кўра, 74 ёшли эркак саваланиши мумкин.
Қариндошларининг сўзларига кўра, бундай жазо қариянинг ўлимига сабаб бўлади. «У жуда қари киши, унинг ёши 74 да, у саратоннинг уч турини бошдан ўтказган, астма ва подаграга чалинган», — деди маҳбуснинг қизи.
Қайд этишларича, Саудия Арабистонига тақиқланган ичимликни олиб кирган шахс ҳукм ижро этилгунига қадар ҳибсда сақланади. Буюк Британия ҳукумати эса «имконият бўлиши билан ўз фуқаросини озод этишга ҳаракат қилиши»ни маълум қилди.
Изоҳ (0)