АҚШ президенти Барак Обама истисно тариқасида ўзини интервью олувчи журналист сифатида синаб кўрди. Оқ уй раҳбарининг саволларига америкалик таниқли ёзувчи, «Хонадон ўчоғи», «Галаад», «Уй», «Лила» каби дунёга машҳур романлар муаллифи, Пулитцер мукофоти лауреати Мерилин Робинсон жавоб берган. Бу ҳақда «Нью-Йорк ревью оф букс» журналига таяниб, «ТАСС» хабар бермоқда.
«Ҳар доим ҳам ўзимга ёқадиган ва мени қизиқтирадиган инсон билан ҳамсуҳбат бўлиш насиб этавермайди. Сиз шундай кишилар сафида биринчи ўринда турардингиз», — дея тан олган Обама Айова штатида бўлиб ўтган суҳбат чоғида.
АҚШ президенти ёзувчидан унинг болалиги, ота-онаси, китоб ва адабиётга меҳри тўғрисида батафсил суриштирган. Шу билан бирга, таълим, ҳуқуқ-тартибот тизими ва Америка учун оғриқли бўлган бошқа мавзуларда сўз очган.
Изоҳ (0)