Россиялик ядрошунос олим Саркис Карамян Туркиянинг Анталия вилоятида чўкиб кетди. Бу ҳақда «Сегодня.ua» хабар бермоқда.
Россия фуқароси ҳалок бўлгани ҳақидаги хабарни Анталиядаги Россия бош консуллиги ҳам тасдиқлаган. 1940 йилда туғилган Карамян Кемер курорти яқинидаги Чамъюва қишлоғида чўкиб кетгани айтилмоқда.
«Бахтсиз ҳодиса ҳақида унинг турмуш ўртоғи хабар берган. Жонлантириш бўйича тадбирлар муваффақиятсиз тугади. Ҳалок бўлган шахснинг жасади Анталиядаги Суд-медицина марказида сақланмоқда», — дейилади консуллик хабарида.
Дубнадаги Ядровий тадқиқотлар институти Ядровий реакциялар лабораториясининг катта илмий ходими, физика-математика фанлари докторининг жасади қачон Россияга жўнатилиши ҳозирча номаълум.
Изоҳ (0)