Қатар пойтахти Доха шаҳрида бокс бўйича катталар ўртасидаги жаҳон чемпионатининг учинчи кунги баҳслари бўлиб ўтди, дея хабар бермоқда «Оламспорт». Ўзбекистон терма жамоаси таркибидаги энг ишонган чарм қўлқоп усталаридан Ҳасанбой Дўсматов мағлубиятга учраб, томошабинлар қаторидан жой олди.
-49 кг вазн тоифасида амалдаги Осиё чемпиони ҳисобланган ўзбекистонлик спортчи жаҳон чемпионатидаги иштирокини тўғридан-тўғри иккинчи даврадан бошлади ва бу босқичда озарбайжонлик Руфат Гусейновга 0:3 ҳисобида имкониятни бой бериб қўйди. Бу Дўсматовнинг жорий бокс мавсумидаги илк мағлубияти бўлди.
Эслатиб ўтамиз, жаҳон чемпионатининг учинчи кунги баҳсларида 91 кг вазн тоифасидаги чарм қўлқоп устаси Рустам Тўлаганов Янги Зеландия вакили Дэвид Ниикани 3:0 (29:28, 29:28, 30:27), 56 кг вазн тоифасидаги Муроджон Аҳмададиев эса асосий рақибларидан бири, чемпионатнинг бу вазндаги биринчи рақамли боксчиси, қозоғистонлик Қайрат Ералиевни 3:0 (30:27, 29:28, 29:28) ҳисобида таслим этган эди.
Изоҳ (0)