ЖЧ—2018 саралашида Ўзбекистон миллий термаси Баҳрайнни тор-мор келтирди

ЖЧ—2018 иккинчи саралаш босқичи 5-турида Ўзбекистон миллий терма жамоаси Баҳрайн меҳмони бўлди ва йирик ҳисобда ғалаба қозонди, деб хабар беради «Uff.uz».

Биринчи бўлимда устунлик Ўзбекистон томонида бўлса-да, дарвозалар дахлсизлиги сақланиб қолинди. Баҳрайн бутун жамоа бўлиб ҳимояда ўйнади.

Иккинчи бўлимда эса, ўйиннинг бориши ўзгарди. Дастлаб, рақиб жарима майдончасидаги пала-партишликлардан кейин Игорь Сергеев ажойиб тарзда ҳисобни очди. Дарвозага зарба сифатида Марат Бикмаев йўллаган тўпи Сергеевга бориб тушди, Игорь 3 метрлардан дарвозани ишғол қилди.

Орадан тўрт дақиқа ўтиб, яъни 56-дақиқада чап қанотдан ёриб кирган Бикмаев жамоадоши Аҳмедовни тўп билан таъминлади, Одил дарвозабонга ҳеч қандай имконият қолдирмади — 0:2.

62-дақиқада Сардор Рашидов ҳам ўз номини таблога ёздириб қўйди. Ўнг қанотдан ҳимоячини алдаб ўтган Сардор чап оёғи билан ажойиб зарбани ижро этди ва ҳисобни йирик кўринишга келтирди.

90+4-дақиқада бўлса, Элдор Шомуродов тўртинчи голни ҳам урди.

Ушбу гол сўнггиси бўлди ва Ўзбекистон термаси муҳим уч очкога эга бўлди. Эндиликда Ўзбекистон термаси гуруҳ пешқадами КХДРдан бир очкога ортда бормоқда.

Эслатиб ўтамиз, ушбу гуруҳдаги КХДР ва Филиппин терма жамоалари ўртасидаги ўйинда ҳисоб очилмаганди.

ЖЧ—2018 саралаши.Баҳрайн — Ўзбекистон — 0:4 (0:0)Голлар: Игорь Сергеев (52), Одил Аҳмедов (56), Сардор Рашидов (66), Элдор Шомуродов (90+4)Баҳрайн: Муҳаммад Аббос, Саид Шуббар, Саид Аҳмад (Иса, 70), Абдулваҳоб, Абдулла Алҳаза, Абдулла Ҳилол (Хасан, 57), Абдулла Умар, Саид Аднан (Сафи, 85), Ҳусан Бобо, Сами Алҳусани, Аршид ал-ХутиЎзбекистон: Александр Лобанов, Станислав Андреев, Егор Кримец, Анзур Исмоилов, Ислом Тўхтахўжев, Одил Аҳмедов (Элдор Шомуродов, 86), Азиз Ҳайдаров, Сардор Рашидов, Сервер Жепаров (Жасур Ҳасанов, 84), Марат Бикмаев (Жавоҳир Соҳибов, 74), Игорь Сергеев.