«Ливерпуль» германиялик мутахассис Юрген Клопп клуб бош мураббий этиб тайинлаганини эълон қилди. Келишувнинг тўлиқ тафсилотлари ҳозирча ошкор этилмаган. Бу ҳақда «Sports.ru» хабар бермоқда.
9 октябрь куни 48 ёшли мураббийни таништирув маросими ўтказилади. Клуб у билан 3 йиллик шартнома имзолаши кутилмоқда.
Клопп 2001—2008 йилларда «Майнц-05», шундан сўнг Дортмунднинг «Боруссия» жамоаларини (клубни ўтган мавсум якунида тарк этди) бош мураббий сифатида бошқарган. Икки бор Германия чемпионатида муваффақият қозонган, бир марта мамлакат кубоги ва икки бор Суперкубок соҳиби бўлган. 2013 йили «Боруссия»ни Европа Чемпионлар лигаси финалигача олиб чиққан эди.
Эслатиб ўтамиз, 4 октябрь куни «Ливерпуль» бош мураббий Брендан Рожерс билан шартномани бекор қилган эди.
Изоҳ (0)