“Liverpul” germaniyalik mutaxassis Yurgen Klopp klub bosh murabbiy etib tayinlaganini e’lon qildi. Kelishuvning to‘liq tafsilotlari hozircha oshkor etilmagan. Bu haqda “Sports.ru” xabar bermoqda.
9-oktabr kuni 48 yoshli murabbiyni tanishtiruv marosimi o‘tkaziladi. Klub u bilan 3 yillik shartnoma imzolashi kutilmoqda.
Klopp 2001—2008-yillarda “Mayns-05”, shundan so‘ng Dortmundning “Borussiya” jamoalarini (klubni o‘tgan mavsum yakunida tark etdi) bosh murabbiy sifatida boshqargan. Ikki bor Germaniya chempionatida muvaffaqiyat qozongan, bir marta mamlakat kubogi va ikki bor Superkubok sohibi bo‘lgan. 2013-yili “Borussiya”ni Yevropa Chempionlar ligasi finaligacha olib chiqqan edi.
Eslatib o‘tamiz, 4-oktabr kuni “Liverpul” bosh murabbiy Brendan Rojers bilan shartnomani bekor qilgan edi.
Izoh (0)