Чеченистон раҳбари Рамзан Қодиров Украина ташқи ишлар вазири маслаҳатчиси Антон Герашченконинг Суриядаги авиазарбаларда қатнашаётган россиялик ҳарбий хизматчилар ҳақидаги маълумотни эълон қилиш даъвати жавобсиз қолмаслигини айтди, деб ёзади «РБК».
«Россиялик ҳарбий хизматчилар манзилларини қидираётганлар учун эълон қиламанки, мен Россия авиациясининг ИШИД нуқталарига зарба берган биринчи учувчиси бўламан. Ҳозирда Сурия осмонида самолёт бошқармоқдаман. Манзилим ва телефон рақамим барчага маълум», — деди Қодиров.
У «учувчиларимизга қаратилган таҳдидлар» жавобсиз қолмаслигини таъкидлади. «Жавоб эса таъсирли бўлади. Бунинг учун куч ва воситалар бор», — деди Қодиров.
Нашр эслатишича, аввалроқ Украина ташқи ишлар вазири маслаҳатчиси Антон Герашченко Суриядаги авиазарбаларда қатнашаётган россиялик ҳарбий хизматчилар ҳақидаги маълумотни «Миротворец» (Украина миллий хавфсизлиги, тинчлик, инсоният хавфсизлиги ва халқаро ҳуқуқ-тартиботга қарши жиноятлар белгиларини тадқиқ қилиш маркази) сайтида эълон қилиш таклифи билан чиққан эди.
Изоҳ (0)