2016 йил Баҳрайн мезбонлик қилувчи ёшлар ўртасидаги Осиё чемпионатига чиққан барча 16 терма жамоанинг номи маълум бўлди, деб хабар беради «Championat.asia».
Эслатиб ўтамиз, саралашнинг «А» гуруҳида Бутан, Шри-Ланка ва Бангладеш билан ўйнаган Ўзбекистон ёшлар термаси гуруҳда биринчи ўринни олиб, Осиё чемпионати йўлланмасини қўлга киритди.
ОЧ—2016 га чиққан барча жамоалар: Баҳрайн, Ўзбекистон, Саудия Арабистони, БАА, Қатар, Эрон, Ироқ, Вьетнам, Жанубий Корея, Хитой, Япония, Тожикистон, Австралия, Таиланд, КХДР, Яман.
Маълумот учун, U-19 Осиё чемпионати 2016 йил Баҳрайн мамлакатида бўлиб ўтади. Мусобақа 13 октябрда бошланиб, 30 октябрь куни якунига етади. Қитъа чемпионатида ярим финалга чиққан тўрт жамоа 2017 йил Жанубий Кореяда бўлиб ўтадиган У-20 Жаҳон чемпионатига йўлланма олади.
Изоҳ (0)