2016-yil Bahrayn mezbonlik qiluvchi yoshlar o‘rtasidagi Osiyo chempionatiga chiqqan barcha 16 terma jamoaning nomi ma’lum bo‘ldi, deb xabar beradi “Championat.asia”.
Eslatib o‘tamiz, saralashning “A” guruhida Butan, Shri-Lanka va Bangladesh bilan o‘ynagan O‘zbekiston yoshlar termasi guruhda birinchi o‘rinni olib, Osiyo chempionati yo‘llanmasini qo‘lga kiritdi.
OCh—2016 ga chiqqan barcha jamoalar: Bahrayn, O‘zbekiston, Saudiya Arabistoni, BAA, Qatar, Eron, Iroq, Vyetnam, Janubiy Koreya, Xitoy, Yaponiya, Tojikiston, Avstraliya, Tailand, KXDR, Yaman.
Ma’lumot uchun, U-19 Osiyo chempionati 2016-yil Bahrayn mamlakatida bo‘lib o‘tadi. Musobaqa 13-oktabrda boshlanib 30-oktabr kuni yakuniga yetadi. Qit’a chempionatida yarim finalga chiqqan to‘rt jamoa 2017-yil Janubiy Koreyada bo‘lib o‘tadigan U-20 Jahon chempionatiga yo‘llanma oladi.
Izoh (0)