Буркина-Фасодаги амалга ошмаган тўнтариш етакчиси Жильбер Дьендре мамлакат хавфсизлигига таҳдид ва қотилликларда айбланмоқда. Шунингдек, собиқ ташқи ишлар вазирига ҳам айблов қўйилган. Бу ҳақда «Корреспондент.net» хабар бермоқда.
Генерал «ташқи кучлар билан тил бириктириш»да ҳам айбланди. Прокуратура «ташқи кучлар» деганда кимларни назарда тутгани номаълум.
Эслатиб ўтамиз, Дьендре 1 октябрда расмийларга таслим бўлди. Бош вазир Ёқуб Ишоқ Зида ҳукумат генерал таслим бўлса, ҳаётини омон сақлаб қолишни ваъда бергани ҳақида маълум қилганди. Мазкур тўнтариш амалга ошганида Буркина-Фасода мустақиллик эълон қилинган 1960 йилдан бери содир этилган еттинчи тўнтариш бўларди.
Олдинроқ ҳокимиятдан четлатилган Буркина-Фасонинг муваққат раҳбари Мишел Кафандо яна президентлик вазифасини бажаришга киришгани ҳамда мамлакат прокурори генерал Дьендре активларини музлатиб қўйгани хабар берилган эди.