Хитойнинг Чжэнчжоу шаҳрилик бизнесмен байрам кунларида сотув режасини бажармаган ходимлари учун антиқа жазо ўйлаб топди: уларни шаҳарнинг марказий кўчаларида эмаклашга мажбур қилди. Бу ҳақда «Nur.kz» хабар бермоқда.
Юзлаб шаҳарликлар кўз ўнгида рўй берган кўл бўйидаги бундай таҳқирловчи «сайр» фотосуратлари Weibo ( Twitter’нинг Хитойдаги кўриниши) саҳифаларида пайдо бўлди. Ҳодиса 2 октябрда юз бергани айтилмоқда.
Суратларга тадбиркор компания ходимларини байрам кунларига режалаштирилган сотув режасини бажармаганликлари учун жазолагани тўғрисидаги изоҳлар илова қилинган.
Гувоҳларнинг таъкидлашича, деярли барча ходимларнинг кийимлари нобоп кўринишга келган ва йиртилган. Ходимлардан бири ўзини тутиб туролмай, йўл четида йиғлаб юборган.
Суратларнинг пайдо бўлиши Хитой ОАВлари ва ижтимоий тармоқларида ўқувчилар ва фойдаланувчиларнинг ғазабига сабаб бўлди. Бироқ ходимларини бундай усул билан камситган бизнесмен ва компания номи ҳозирча аниқланмаган.
Изоҳ (0)