Россия Жанубий ҳарбий округи ракета қўшилмалари Астрахан вилоятидаги полигонда олиб борилган машғулотлар вақтида «Искандер-М» тезкор-тактик мажмуаларидан 300 километр масофада жойлашган шартли душманнинг марралари ва турли нишонларига ракета зарбаларини берди. Бу ҳақда «ТАСС» хабар бермоқда.
«Капустин Яр» полигонида бўлиб ўтган машғулотлар давомида «Искандер-М» тезкор-тактик ракета мажмуаларининг экипажлари турли шароитлардаги ҳудудларга кириб бориш, табиий тўсиқларни енгиб ўтиш, бир саф бўлиб ҳаракатланиш, чекланган маконда манёврларни амалга ошириш кўникмаларини мустаҳкамлаган.
Россия Жанубий ҳарбий округи матбуот хизмати маълумотларига кўра, ракета мажмуаларининг экипажлари машғулотларда қатнашиш учун асосий хизмат жойидан 800 километр йўл, «Капустин Яр»га келган.
Изоҳ (0)