Хитой ўзининг валюта захиралари ҳақидаги маълумотларни биринчи марта Халқаро валюта жамғармасига тақдим этишни бошлади. Бу ҳақда, «Ведомости» хабарига кўра, жамғарма матбуот котиби Жерри Райс маълум қилди.
ХВЖга берилган маълумотларга кўра, 2015 йил иккинчи чораги якунларига валюта захиралари ҳажми 11,5 триллион долларни ташкил этган — бу бир чорак аввалги кўрсаткичдан 0,1 триллион долларга кўп.
Бунда гап ХВЖга аъзо 146 мамлакатнинг расмий валюта захиралари ҳақида ахборот берувчи CОФЕР маълумотлар омбори ҳақида бормоқда. Ташкилотга жами 188 мамлакат аъзо бўлса-да, мазкур лойиҳада иштирок этиш кўнгилли бўлиб, лойиҳага қўшилган 146 мамлакатнинг фақат 96 таси маълумотларни мунтазам тақдим этади.
ХВЖ матбуот котиби Райснинг қайд этишича, биринчи ҳолат учун расмий Пекин ўз активлари ҳақида тўлиқ бўлмаган маълумотни тақдим этди. Бироқ, жамғарма вакилининг қайд этишича, бу захираларнинг умумий манзарасини тахмин қилиш учун етарли ва Хитой яқин икки-уч йил ичида тўлиқ ҳисобот топширишга ўтади.
Изоҳ (0)