Россиянинг Тамбов вилоятидаги Котовск шаҳрида жойлашган порох заводи ҳудудида портлаш юз берди. Бу ҳақда Meduza хабар бермоқда.
Маълумотларга кўра, портлаш оқибатида беш киши жабрланган. Вилоят Фавқулодда вазиятлар бошқармаси вакиллари жабрланувчилар сони янада ошиши мумкинлиги эҳтимолини инкор этмади. Портлаш оқибатида ишлаб чиқариш биноларидан бири тўлиқ вайрон бўлган, яна иккитаси қисман қулаган.
Ҳодиса жойида қутқарувчилар ва бошқа махсус-шошилинч хизматларнинг ходимлари иш олиб бормоқда. Ҳодиса сабаблари ўрганилмоқда. Дастлабки маълумотларга кўра, ҳодиса маҳсулот ортилган юк машинасининг портлаши оқибатида юз берган.
Изоҳ (0)