Германия ҳукумати қочоқларнинг немис жамиятига қўшилиши осон бўлиши учун мамлакат конституциясининг дастлабки 20 моддасини араб тилига таржима қилди. Бу ҳақда «Европейская правда» хабар бермоқда.
«Бу ерга келаётган одамлар нафақат немис тилини ўрганишлари, балки биргаликда қандай қоидалар асосида яшашларини ҳам билишлари керак. Конституциямизнинг дастлабки 20 моддаси бизнинг маданиятимизни шакллантирган қоидалардир, бунга ишончим комил», — деди Германия вице-канцлери Зигмар Габриэл.
Қочоқлар орасида тарқатиш мақсадида араб тилида 10 минг нусхада чиқарилган конституциянинг дастлабки моддаларида фуқаронинг ҳуқуқ ва мажбуриятлари ҳақида сўз боради. Маълумот учун, Германия конституцияси 1949 йили қабул қилинган.
«Германияга келаётганларнинг ҳеч бири дини ёки шахсий ҳаётини ўзгартиришга мажбур қилинмайди. Бироқ, демократик жамиятимизнинг асосий тамойиллари барчага тааллуқли эканлиги — маданиятимизнинг бир қисмидир», — дея қўшимча қилди Зигмар Габриэл.
Изоҳ (0)