Келишилган ўйинларга қарши курашиш қўмитаси Ўзбекистон чемпионати 23-тури доирасида, 2015 йилнинг 25 сентябрида «Пахтакор» марказий стадионида ўтказилган Тошкентнинг «Пахтакор» ва Бекободнинг «Meталлург» жамоалари ўртасидаги 3:2 ҳисобида «Пахтакор» ғалабаси билан тугаган ўйиннинг видео тасвирини ўрганиб чиқиб, «Meталлург» ПФК учрашувнинг 83-дақиқасидан кейин намойиш қилган ўйини шубҳали ва спорт принципларига зид тус олганини аниқлади. Бу ҳақда «Uff.uz» хабар бермоқда.
Ўйин давомида «Meталлург» ПФК «Пахтакор» устидан 2:0 ҳисобида ғалаба қозонаётган эди. Бироқ «Meталлург» ҳимоячиларининг ўйин сўнгидаги ҳаракатлари икки бора дарвозалари томон ўн бир метрлик жарима тўпи белгиланишига олиб келди. Ўйин эса 3:2 ҳисоби билан «Пахтакор» фойдасига якунланди.
Шу ўринда савол пайдо бўлади: бундай шубҳали ғалаба «Пахтакор» раҳбарияти ва унинг мухлисларига керакми?
Таъкидлаш керакки,«Meталлург» бош мураббийи Рустам Мирсодиқов Ўзбекистон миллий терма жамоасида фаолият олиб борган, Ўзбекистон чемпионати олтин медаллари соҳиби бўлган мамлакатнинг энг тажрибали ва малакали мутахассисларидан бири ҳисобланади. Мана бир неча йиллардан буён у «Meталлург» футбол клубини бошқариб келмоқда. Шуни ҳам қайд этиш керакки, «Meталлург» 2015 йилги Ўзбекистон чемпионатида яхши натижалар қайд этиб келмоқда ва етакчи жамоалар учун энг ноқулай рақиблардан ҳисобланади.
Бироқ Мирсодиқовнинг мураббий сифатида эришган бу ютуқларига қарамай,
Ўзбекистон Футбол Федерацияси ИжроқўмиҚарор қилади:
1. 2015 йилнинг 25 сентябрь кунида ўтказилган «Пахтакор» (Тошкент) – «Meталлург» («Бекобод») учрашуви 83-дақиқасидан бошлаб, спорт принципларига ва этикасига зид бўлган, деб ҳисоблансин.
2. ЎФФ тартиб-интизом кодексининг 2-бўлим, «г» пунктига асосан, Бекободнинг «Meталлург» футбол клуби бош мураббийи Рустам Мирсодиқовнинг лицензияси 2015 йилги мавсум сўнгига қадар қайтариб олинсин.
3. Ўзбекистон Профессионал Футбол Лигаси (Ф.Магаметов) томонидан ЎФФ ижроқўмининг ушбу қарорини амалга ошириш бўйича тегишли чора-тадбирлар кўрилсин.
Изоҳ (0)