Хитойнинг Elephone компанияси ўзининг янги Ele Watch «ақлли» соати илк суратларини эълон қилди, деб ёзади 3DNews.
Ташқи кўринишидан, Ele Watch классик қўл соатига жуда ўхшаш: циферблати доира шаклида, ортиқча индикаторлари йўқ ва тугмалари минимум миқдорда.
«Ақлли» соат 1,5 дюйм ва 320×320 пикселли экран, 512 Мб тезкор ва 4 Гб ички хотира, GPS-модул, IP67 стандарти бўйича чанг ва намликдан ҳимояланган корпус, Android Wear операцион тизими билан таъминланган.
Бундан ташқари, Ele Watch мукаммал фитнес-трекер ролини ҳам бажариши мумкин: расмларда соатда юрак ритми датчиги борлигини кўриш мумкин.
Қурилма махсус док-станция ёрдамида қувват олиши тахмин қилинмоқда.
Изоҳ (0)