Робот олимларга чақалоқлар бир неча ойлик пайтиданоқ ҳисоб-китобли муносабатларга қодир эканлигини исботлади: улар ота-оналарига бунга жавоб бўлишига ишончи комил бўлгандагина кулиб қарар экан. Бу ҳақда «Gizmag.com» хабар бермоқда.
Сан-Диегодаги Калифорния университети психологлари оналар ва тўрт ойлик чақалоқларнинг ўзаро муносабатини видеокамерага ёзиб олиб, унинг натижаларидан болаларнинг ақлий ривожланиши учун яратилган Диего-сан роботини созлаш учун фойдаланди. Роботнинг гўдакникига ўхшаш юзи турли ҳис-ҳаяжонларни ифодалай олади.
32 нафар талаба робот билан уч дақиқали мулоқотларда иштирок этди. Маълум бўлишича, робот унга инсонлар қарамаганда деярли табассум қилмаган. Бу экспериментдан сўнг психологлар «болалар жилмайишларини ҳисоб-китоб билан амалга оширади», деган хулосага келди: улар ота-онасидан жавоб бўлишига кўзи етмаганда кулишга деярли ҳаракат ҳам қилмаган. Чақалоқларнинг ўзини бундай тутиши онгли равишда амалга ошириладими-йўқми, олимлар бу саволга ҳозирча жавоб топгани йўқ.
Изоҳ (0)