Маълум бўлишича, ўсимлик дунёсининг бир қатор мафтункор турлари Самарқанд шаҳри шарафига номланган, деб хабар беради «Самаркандский вестник».
Лолагулдошлар оиласидан бўлган пушти-тўқ сариқ рангдаги гул «Ипаксимон Самарқанд» деб ном олган. Мутахассисларнинг фикрича, бундай гуллар ҳар қандай боғга кўрк бағишлайди. Ушбу ном 1995 йилда Billingslea компанияси томонидан қайд этилган.
Вашингтондаги ботаника боғида «Самарқанд» номли орхидея гулини учратиш мумкин.
2009 йилда «Самарқанд йўли» номли соқолли баланд гулсапсарнинг янги тури қайд этилди. Лимон сариқ рангли ушбу гуллар австралиялик селекционер Барри Блайт томонидан етиштирилган.
Эквадорда етиштириладиган «Самарқанд» номли йирик қизил боғ атиргуллари кесиб олингандан кейин 12 кун давомида сўлиб қолмайди. Шунингдек, табиатда «Самарқанд наъматаги», «Самарқанд бўзночи» каби гуллар мавжуд.
Изоҳ (0)