Саудия Арабистонининг Макка шаҳридаги меҳмонхонада чиққан ёнғин оқибатида ҳаж амалларини бажариш учун келган камида 1,5 минг зиёратчи эвакуация қилинди. Яманнинг тўрт нафар фуқароси ёнғиндан жабрланган, деб хабар беради «ТАСС».
Қиролликнинг Фуқаро мудофааси кучлари 15 қаватли турар-жой мажмуасида юз берган ёнғинни бартараф этишга муваффақ бўлган. Дастлабки тахминларга кўра, ёнғин меҳмонхонанинг 11-қаватидаги хоналардан бирида, электр симларида муаммо борлиги туфайли чиққан. Қутқарувчилар одамларнинг ҳаётига ҳеч нарса хавф солмаслигини билдирганидан сўнг, зиёратчилар ўз хоналарига қайтган.
17 сентябрда ҳам Маккадаги меҳмонхоналардан бирида ёнғин юзага келган ва 1 мингдан ортиқ киши эвакуация қилинган эди. Ўшанда икки киши жабрланган эди.
Эслатиб ўтамиз, 11 сентябрь куни Маккадаги Ал Ҳарам масжидига кран қулаши натижасида 107 киши ҳалок бўлди.
Изоҳ (0)