Хитойнинг учта патруль катерлари 19 сентябрь куни Шарқий Хитой денгизидаги баҳсли Сенкаку (Дяоюйдао) ороллари ҳудудига кирди — мазкур оролларни Япония ўз ҳудуди деб ҳисоблайди, дея хабар бермоқда «ТАСС».
Қайд этишларича, Хитой кемалари «Япония ҳудудий сувларига маҳаллий вақт билан 10:00 да кириб келган». Япония чегарачилари радиоалоқа орқали Хитой кемаларидан «Япония ҳудудий сувларини зудлик билан тарк этишни» талаб қилмоқда, бироқ уларга нисбатан ҳеч қандай фаол ҳаракатларни қўллаётгани йўқ.
Япония соҳил қўриқлаш хизматидан маълум қилишларича, Хитой кемалари 10 сентябрдан бери биринчи марта, йил бошидан бери эса 26-марта мазкур баҳсли ҳудудларга кириб келмоқда.
Маълумот учун, Япония ва Хитой ўртасидаги Сенкаку ороллари бўйича баҳслар 2012 йил сентябрида, Токио ушбу оролларни уларнинг эгаларидан сотиб олганини эълон қилганидан сўнг бошланган. Шундан бери Хитой кемалари мазкур баҳсли ороллар яқинида сузиб юриб, тез-тез намойишкорона уларга яқинлашади.
Изоҳ (0)