18 сентябрь, жума куни Сан-Себастьянда (Испания, басклар мамлакати автоном вилояти) 63-халқаро кинофестиваль ўз ишини бошлади. Анжуманни испаниялик режиссёр Алехандро Аменабарнинг «Қайтиш» фильми очиб берди. Бу ҳақда «ТАСС» хабар бермоқда.
Бу йил бош соврин — «Олтин чиғаноқ» учун 17 та картина, жумладан, америкалик Питер Соллетнинг «Mерос ҳуқуқи» ва британиялик Бен Уитлининг «Баландлик» фильмлари кураш олиб боради.
Шунингдек, 25 сентябрь куни кинематографияга қўшган ҳиссаси учун фахрий мукофот —«Доностия» ҳам топширилади. Бу йил ушбу мукофотга британиялик актриса Эмили Уотсон лойиқ кўрилди.
Сан-Себастьяндаги халқаро кинофестиваль 1953 йилдан бери ўтказиб келинади ва Европадаги энг нуфузли анжуманлардан бири ҳисобланади. 200 га яқин фильм намойиш этилиши кутилаётган бу йилги кинофестиваль 26 сентябрь куни ўз якунига етади.
Изоҳ (0)