Telegram’да хонанда Райҳон номидан сохта бот очилгани хабар қилинди

Интернет олами бўйлаб тарқалган «қароқчилар» машҳур ижодкорларнинг ижтимоий тармоқлардаги профилларига ҳужум қилиб, уларни ўзлаштириб олар эди, энди эса буни янгича усулини ҳам топишибди. Ҳозирда улар санъаткорларнинг номи билан ўзларини реклама қилмоқда, деб хабар беради «Shok.uz».

«Бунга аниқ мисол қилиб, Telegram’даги ботлардан бирини айта оламиз. Бу бот хонанда Райҳон Ғаниеванинг номи билан юритилади, лекин унинг хонандага ҳеч қандай алоқаси йўқ. Номи Райҳон Ғаниева холос, аслида эса улар хонандага тегишли бўлмаган, мутлақо бошқа нарсалар ҳақида янгиликлар эълон қилади. Бу албатта ‘қароқчилар’нинг иши. Райҳоннинг машҳурлигидан фойдаланиб, кўпроқ фойдаланувчиларни жалб қилмоқчи», — деб ёзади шоу-бизнес янгиликларини ёритиб борувчи сайт.

«Shok.uz» Райҳон Ғаниева расмий сайтининг Telegram’да ўз автоботи борлигини эслатиб ўтди.