Россиялик хонанда Дима Биланнинг уйида юз берган ўғрилик бўйича қўшимча экспертизалар белгиланди. Бу ҳақда «ТАСС» хабар бермоқда.
Қайд этишларича, Рассказовка қишлоғидаги хусусий уйда юз берган ўғрилик юзасидан дактилоскопик экспертиза ўтказилган, қўшимча равишда эҳтимолий жиноят қуроли юзасидан трассологик экспертиза, жиноят жойидан топилган излар бўйича эса биологик экспертиза ўтказилиши кутилмоқда.
«Бундан ташқари, полиция ходимлари кузатув камералари ёзувларини диққат билан ўрганиб чиқмоқда ва зарур тезкор-қидирув тадбирларини олиб бормоқда», — дейди Москва шаҳар ички ишлар бошқармаси вакили.
Ҳуқуқни муҳофаза қилиш органларидаги манбанинг маълум қилишича, жиноятчилар ичида пул бўлган металл сейфни ўғирлаб кетган. Мазкур ўғриликдан кўрилган зарар миқдори 10,5 миллион рублга баҳоланмоқда.
Изоҳ (0)