Шариф Исмоил бошчилигидаги Мисрнинг янги ҳукумати 18 сентябрь, шанба куни мамлакат президенти Абдул Фаттоҳ ас-Сисий олдида қасамёд қилди. Бу ҳақда «RIA Novosti» хабар бермоқда.
Дастлабки режа бўйича вазирлар маҳкамасининг янги таркиби 17 сентябрь, пайшанба куни қасамёд қилиши керак эди, бироқ бир қатор номзодларнинг вазирлик лавозимларини рад этиши оқибатида, маслаҳатлашувлар яна бир кун давом этди.
Миср президенти 12 сентябрда Иброҳим Махляб ҳукуматининг истеъфосини қабул қилиб, янги вазирлар маҳкамаси тайинлангунига қадар ўз вазифасини бажариб туриш ҳақида кўрсатма берганди.
Эски ҳукумат коррупцияда айбланган Миср қишлоқ хўжалиги вазири Салоҳ Ҳилолнинг ҳибсга олиниши ортидан келиб чиққан йирик можаро ортидан истеъфо беришга мажбур бўлди.
Махляб ҳукумати 2014 йил июнидан бери ишлаб келаётган эди. Вазирлар Маҳкамасида ўзгаришлар бўлиши ҳақидаги миш-мишлар бир неча ойдан бери бор эди ва бу ўзгаришлар Сувайш каналининг янги оқими очилиши билан боғлиқ тантаналардан сўнг юз бериши кутилаётган эди.
Изоҳ (0)