General Motors АҚШ адлия вазирлиги билан суд таъқибини кечиктириш бўйича келишув имзолади. Бу ҳақда «Коммерсант.ru» хабар бермоқда.
Келишувга кўра, расмийлар компанияга автомобилларнинг ўт олдириш тизимидаги носозликлар юзасидан айблов эълон қилади, бироқ ишнинг кўриб чиқилиши кейинга қолдирилади. Ўз навбатида, General Motors суднинг барча талабларини бажаради, жумладан, 900 миллион доллар жарима тўлаб беради.
Олдинроқ Лос-Анжелес судига двигателни калитсиз ўт олдириш тизимига эга машиналар ишлаб чиқарадиган дунёдаги 10 та йирик автомобиль компаниясига қарши даъво киритилгани тўғрисида хабар берилган эди. 28 нафар даъвогарнинг таъкидлашича, ишлаб чиқарувчилар бундай тизимдан фойдаланганда ис газидан заҳарланиш хавфи мавжудлигини атайин яширган. Бунинг оқибатида АҚШнинг ўзида 13 киши ҳаётдан кўз юмган.
Изоҳ (0)