Хусусийлаштириш, монополиядан чиқариш ва рақобатни ривожлантириш давлат қўмитасида Германия молия вазирлиги делегацияси билан учрашув бўлиб ўтди. Бу ҳақда қўмита матбуот хизматига таяниб, «UzDaily.uz» хабар бермоқда.
Учрашув давомида 2009 йилда қўмита ва Германия молия вазирлиги ўртасида тузилган меморандум ҳамда келишув доирасида амалга оширилган ишлар муҳокама этилди. Хусусан, немис томонининг кўмагида ҳозирда Олий Мажлис Қонунчилик палатасида кўриб чиқилаётган «Давлат мулкини бошқариш тўғрисида»ги қонун лойиҳаси ишлаб чиқилди. Шунингдек, акциядорлик жамиятлари фаолияти унумдорлиги ва корпоратив бошқарув тизими самарадорлигини ошириш комиссиясига тасдиқлаш учун тақдим этилган «Корпоратив бошқарув кодекси» тайёрланди.
Учрашув якунларига кўра, томонлар бу борадаги ўзаро ҳамкорликни келгусида ҳам мунтазам давом эттиришга келишиб олди.
Изоҳ (0)