Яқин йилларда Ўзбекистоннинг чекка ҳудудларида жойлашган 1,3 мингта умумтаълим мактаблари ва касб-ҳунар коллежларини қуёш коллекторлари билан таъминлаш режалаштирилган. Бу ҳақда «12news.uz» хабар бермоқда.
Ўзбекистон Фанлар академияси Энергетика ва автоматика институти бўлим бошлиғи Роман Зоҳидовнинг сўзларига кўра, қишлоқ жойлардаги 600 дан ортиқ врачлик пунктига энергия тўпловчи қурилмаларга эга фотоэлектрик қуёш панеллари ўрнатиб чиқилади.
«Мазкур технологияларнинг тўлақонли амалга оширилиши яқин йилларда мамлакат энерготизимидаги юкламалар ҳажмини 2 миллиард киловатт/соатга қисқартириш, локал даражада 2 миллион Гкал иссиқлик энергияси ишлаб чиқариш, йилига 250 миллион доллар қийматидаги энергия ресурсларини тежаб қолиш имконини беради», — деди Зоҳидов.
Бўлим бошлиғининг фикрича, қайта тикланувчи энегрия манбаларини янада ривожлантириш мақсадида, шунингдек, халқаро тенденсияларни ҳисобга олган ҳолда, махсус йўналтирилган ижтимоий дастурлар ёки, масалан, «Қуёшли 1000 та қишлоқ уйи» каби кўргазмавий лойиҳаларни амалга ошириш мақсадга мувофиқдир.
Изоҳ (0)