Хитойлик ишчилар хавфли моддалар сақланувчи омборларда юз берган портлашлар оқибатида зарар кўрган Тяньцзинь шаҳридаги метро бекатларини қайта тиклаш ишларига киришди. Бу ҳақда «РИА Новости» хабар бермоқда.
Ҳозирги вақтда портлаш жойидан 650 метр узоқликда жойлашган «Дунхайлу» станциясининг эски конструкцияларини олиб ташлаш бўйича ишлар давом этмоқда. Tianjin Binhai Mass Transit Development компаниясидаги манбанинг маълум қилишича, ҳозирги вақтда бекатнинг янги дизайни ишлаб чиқилмоқда.
Станция метронинг Тяньцзинь марказини Бинхай тумани билан боғловчи йўналишида жойлашган. Хавфли моддалар сақланувчи омборларда юз берган портлашлардан сўнг, метронинг бу қисмида поездлар ҳаракати қисман тўхтатилган эди.
Эслатиб ўтамиз, Тяньцзиндаги йирик портлаш 12 август куни юз берган эди. Ҳодиса оқибатида, сўнгги маълумотларга кўра, 165 киши ҳалок бўлди, саккиз киши бедарак йўқолган, деб гумон қилинмоқда, 800 га яқин одам турли даражада тан жароҳати олган.
Изоҳ (0)