Саудия Арабистони қироли Салмон ибн Абдулазиз ас-Сауд Маккадаги ал-Ҳарам масжидида юз берган фалокат юзасидан ўтказилаётган текширув натижалари оммавий эълон қилинишига ваъда берди. Бу ҳақда «Корреспондент.net» хабар бермоқда.
«Биз ҳодиса сабабларини аниқлаймиз, сўнг текширув натижаларидан фуқароларимизни хабардор қиламиз. Ҳодиса юзасидан текширув ишлари бошлаб юборилган», — деди Саудия Арабистони қироли.
Эслатиб ўтамиз, 11 сентябрь, жума куни пешин намози вақтида кучли ёмғир ва шамол натижасида минора крани масжид устига ағанаши оқибатида, сўнгги хабарларга кўра, 107 киши ҳалок бўлган эди. Қурбонлар ва жабрланувчилар орасида ўзбекистонлик зиёратчилар йўқлиги маълум қилинди.
Изоҳ (0)