Агар Суриядаги уруш ҳаракатлари давом этса, мамлакатни йил охирига қадар яна бир миллион киши тарк этади. Бу ҳақда БМТнинг Суриядаги гуманитар масалалар бўйича координатори Ёқуб ал-Ҳилло маълум қилди. У сурияликлар учун халқаро ёрдам кўламини кенгайтиришга чақирди, дея хабар беради «Корреспондент.net».
«Можарони ҳал этиш чоралари кўрилмаса, Суриядан келадиган қочоқлар оқими ҳали кўп ойлар давомида тўхтамайди. Европадаги муҳожирлар билан боғлиқ вазият эса Иккинчи жаҳон уруши якунланган пайтларга ўхшаш бўлади», — дея огоҳлантирган БМТ вакили.
Эслатиб ўтамиз, Суриядаги уруш туфайли 7,6 миллион киши уйини ташлаб кетишга мажбур бўлди, 4 миллион киши эса мамлакатни тарк этган.
Изоҳ (0)